જતન

તું શું જાણે તને પામવા કેટલા જતન કરું છું
ગામ છે તારું એને હવે મારું વતન કરું છું.
તું શું જાણે તને પામવા.....
તું આવશે કે નહી ? એ ન જાણું જરાંપણ,
તારા આવવાની રાહમાં રાતદિન કીર્તન કરું છું.
તું શું જાણે તને પામવા.....
ખૂબ રહે છે ગંભીર તું ને 'હાસ્ય' મારું જીવન છે,
શાયદ ગમી જાય એ એટલે તો ગંભીર વર્તન કરું છું.
તું શું જાણે તને પામવા.....
આ રહી સામે મંઝીલોને બેશૂમાર દોલત પ્રેમની,
પામવા એ દોલત મારું જીવન તને અર્પણ કરું છું.
તું શું જાણે તને પામવા.....

વિપુલ પરમાર 'હાસ્ય'