કોઈ સવાલ જવાબ ન ચર્ચા, હતું ત્યારે હતું.
રીસાવું, ન મનાવવાના ખર્ચા,હતું ત્યારે હતું.
ન પકડાય, હવે જોવાય જે હાથ, એના માટે
જગ સામે માંડ્યા'તા મોરચા, હતું ત્યારે હતું.
ઘોર અંધશ્રદ્ધા લોકોને મન લાગતી હતી જે
તેના મળ્યા હતા કેવા પરચા! હતું ત્યારે હતું.
કોણ જાણે! હાલ બંને ખવાય સાથ તો મજા
દાળવડા એ, હું ખાતો મરચા, હતું ત્યારે હતું.
ન યાદ, ન મળવાની ઈચ્છા કદી 'હાસ્ય'
કેમ મન કરે એની પુન:ચર્ચા? હતું ત્યારે હતું.
